In Die Dal. 'n Gedig

 

In Die Dal

As my voete moet stap

deur donkerste nag

dis die Here alleen

Hy's my sterkte, my krag

Al eggo my hoekoms

en koud trane val

net Hy is my trooster

deur die woud en die dal

Hoe pynvol my lot

ek is nooit sonder lied

want my Vader, my Redder

dit is Hy Wie hoop bied

***

Kopiereg: potlood in Sy Hand

***

PSALMS 23:1-6 AFR53

[1] 'n PSALM van Dawid. Die Here is my herder; niks sal my ontbreek nie. [2] Hy laat my neerlê in groen weivelde; na waters waar rus is, lei Hy my heen. [3] Hy verkwik my siel; Hy lei my in die spore van geregtigheid, om sy Naam ontwil. [4] Al gaan ek ook in 'n dal van doodskaduwee, ek sal geen onheil vrees nie; want U is met my: u stok en u staf dié vertroos my. [5] U berei die tafel voor my aangesig teenoor my teëstanders; U maak my hoof vet met olie; my beker loop oor. [6] Net goedheid en guns sal my volg al die dae van my lewe; en ek sal in die huis van die Here bly in lengte van dae.

https://bible.com/bible/5/psa.23.1-6.AFR53